Козьмодемьянскыште кучылтмо вӱд Юлышко ок логал
Козьмодемьянскыште кучылтмо вӱд Чебоксар вӱдаралтышышке логалшаш огыл. Юл серыште очистноой сооружений комплекс кундемыште у объектым чоҥат. Тудо Чебоксар вӱдаралтышышке йоктарен колтышаш вӱдым эрыкташ тӱналеш. Чыла сомыл «Экологий» калыкле проектын «Юл эҥерым тазаҥдымаш» федерал проект кышкарыште шукталтеш. Олаште очистной сооруженийым пужен ышташ 343 миллион теҥгем ойырымо. Тачысе кечылан очистной сооруженийын чот тоштеммыжлан кӧра, тудо шке пашажым кӱлеш семын шуктен ок керт. Мутлан, механически эрыктыме блокшым 1968-ше ийыштак ыштыме, а 1986 –шо ийыште тудым биологий эрыктымаш вашталтен. Кучылтмо вӱд 20-30 процентлан гына эрыкталтеш.
