Параньгасе туныктышо- влак шке праваштым арален кертыныт

Прокуратурын ушнымыж деч вара Параньгасе туныктышо- влаклан капитально олмыктымлан взнос оксам пӧртылтеныт. Районын прокуратурышкыжо туныктышо- влак шуко пачеран пӧртыштӧ тӱшка погым капитально олмыкташ тӱлымӧ взнослан компенсацийым огыт пӧртылтӧ манын вуйым шийыныт. Ведомствын пресс-службыжын умылтарымыж почеш, закон дене келшышын, пашаче посёлкышто, яллаште илыше да пашам ыштыше туныктышо пашаеҥ- влаклан шуко пачеран пӧртыштӧ илыме верлан, ырыктымылан да волгыдылан тӱлымӧ роскотлан компенсацийым налаш правам пуымо. Туныктымо тӧнеж- влак педагог- влаклан коммунал полышлан тӱлымылан компенсацийым пӧртылтен огытыл. Прокуратура туныктыш тӧнеж- влаклан компенсацийым тӱлыкташ судыш йодмаш дене лектын. Прокуратурын йодмашыжым шуктымо. Тыге 52 педагоглан 319 тӱжем теҥгем пӧртылтымӧ. Тергымаш почеш Параньга район администрацийын туныктыш пӧлкажым вуйлатышылан представленийым кучыктымо.

Прошлые выпуски