Йошкар-Оласе уремлаште олмыктымо паша шукталтеш
Уремыште теле гынат, Йошкар-Оласе уремлаште верын-верын олмыктымо паша шукталтеш. Мутлан, 11-ше февральлан йӱдым шым тонн утла вишкыде асфальтым шарыме. Лакылам Карл Либкнехт уремын Тыныслык ден Медицинский урем коклаштыже, Интернационалист воин- влак да Йошкар Армий уремлаште, Вараксин, Рӱдӧ да Воскресенский кӱварлаште тӧрлымӧ. Тыгак Советский уремын Йошкар Армий урем деч Ленин проспект марте ужашыштыже тӧр огыл вер- влакым шотыш кондымо, Комсомольский ден Кремль урем, Серов урем ден Оршанке шоссе, Волков урем ден Ленин проспект ушнымаште олмыктымо.
