Марий Элыште кодшо ийын 40 миллион теҥге алиментым тӱлыктымӧ
Марий Элыште ик ийыште 40 миллион теҥге алиментым тӱлыктымӧ. 2019-ше ийыште Россий мучко алимент парым 152 миллиард теҥгеш шуын. Тидыже 2018-ше ийысе деч 13 процентлан шукырак. А 2012-шо ий дене таҥастарымаште парым шым пачаш утла ешаралтын. Парым кугыт ешаралтын гынат, алиментым кӱрын лукмо шотышто паша шагалемын. Тудо 825 тӱжем лийын гын, 806 тӱжем марте иземын. Парымын кокла кугытшо 189 тӱжем теҥге лийын. Тидыже 18-ше ий деч 27 тӱжемлан шукырак. 2019-ше ийыште пристав- влак 764 тӱжем парыман еҥ деч 52 миллиард теҥге алимент оксам кӱрын луктыныт. А производствышто чылаже 213 миллирад теҥгелан ик миллионат 600 тӱжем паша улмаш. Марий Элысе суд пристав службо виктемым вуйлатыше Анатолий Ивановын мутшо почеш, 2019-ше ийын республикыште 39 миллионат 500 тӱжем теҥге алиментым тӱлыктымӧ, 18-ше ийыште- 38 утла миллионым. 2019-ше ийыште элна мучко парыман кум миллионат 400 тӱжем еҥлан Россий деч ӧрдыжкӧ каяш чарыме.
