Ковид дене черланыше- влаклан 9 амбулаторный рӱдер почылтын
Марий Элыште Ковид дене черланыше- влаклан 9 амбулаторный рӱдер почылтын. Республикысе 9 медицина организаций негызеш ковидым диагностироватлыме да эмлыме амбулаторный рӱдер- влакым почмо. Нуно Волжск оласе, Козьмодемьянск, Шернур рӱдӧ эмлыме верлаште, Йошкар-Оласе 1,2,3, 4-ше номеран поликлиникыште, икымше Медсанчастьыште да сарын ветеранже- влакын клинический госпитальыштышт пашам ыштат. Рӱдер- влакым диагностироватлаш, коронавирус улмыжым рашемдаш да диагнозым шындыме еҥ-влакымат эмлыме тактикым ойырен налаш ышталтыныт. Пациент- влак тушко врач але участковый терапевтын мӧҥгыштӧ полышым пуымыж деч вара але телефон дене консультироватлыме деч вара виктарен колтымекышт логалыт. Направленийым пуашлан кум кече температурын 38 градус утла кучалтмыже, вӱрыштӧ кислородын 95 процент деч шагал улмыжо, 65 да кугурак ийгот, моло чер улмо негызым пуат. Рӱдерыште шымлымашым эртарат, эмлыме верыш пышташлан кӱлеш лиеш гын компьютер томографийыш колтат.
