Потребитель праван кечыже вашеш
Роспотребнадзор виктемын калыкын кочмыжым тергыше санитар надзор пӧлкашкыже февральыше 22 йодмаш пурен. Нуно ужалкалымаште да общественный питанийыште санитар законодательствын йодмашыжым пудыртымлан вуйшиймаш семын лийыныт. Тӱшка йодмаш гыч 10-жо кочкыш сатун качествыже, иктыже-тӱшкан кочмо верлам ямдылыме, икте-воктелсе кумдыкым кузе кучымо, кумыт- илыме верлаште йӧн, нылыт-производствышто санитар йодмашым шуктымаш, кокытшо ужалкалымаште потребительын праважым аралыме дене кылдалтше улыт. Шукыж дене умылтарымашым пуымо, молыжым йодышым виктараш ведомствылашке колтымо, ик административный пашам тарватыме, шижтарымашым увертарыме.
Фото: zanmsk.ru
Фото: zanmsk.ru
