Кугыжаныш Думо депутатын регионысо арняже эрта

Кугыжаныш Думо депутатын регионысо арняже эрта
Регионысо арня кышкарыште Кугыжаныш Думын депутатше Светлана Солнцева теҥгече Юлтехын ректоржо Виктор Шебашев да аграрный колледжын директоржо Геннадий Богданов дене вашлийын. Нуно тӱшкагудылаште студент- влакын илыме йӧныштым каҥашеныт. У тунемме ийлан ямдылалтме годым кум тӱшкагудо дене кочмыверым капитально олмыктымо. Тӱшкагудыш мийымеке, депутат аграрный колледжыште тунемше- влак дене вашлийын да илыме йӧныштым ончен. Студент- влаклан тушто илаш келша, арулыкым да порядкым эскерат. Нуно сайын тунем пытарен, пашаш пурымо нерген шонат. Нунын кокла гыч ятырже производственный практикым Германийыште эрта. Сандене колледж гыч республикысе ял озанлыкыште пашам ышташ ямде специалист- влак лектыт, - каласен парламентарий. Кызыт студент- влакын илыме йӧныштым саемдаш манын, студент кампусым уэмдыме нерген йодыш шога. Юлтехын тӱҥ корпусшо кундемыште у тӱшкагудым чоҥаш шонымаш уло. Тиде йодыш Российысе наука да кӱшыл шинчымаш министерствыште каҥашалтеш.

Прошлые выпуски