Козьмодемьянск ден Волжскышто 9 пачашан социал пӧртым чоҥат

                  Козьмодемьянск олаште тений у 9 пачашан пӧрт нӧлталтшаш. Тушто утларак пачержым тулык йоча- влаклан да тошто пӧртла гыч кусарыме еҥ- влаклан пуаш палемдыме. У пӧрт кумшо микрорайонышто, ончычсо котлован олмышто лийшаш. Пачер- влак тӱҥ шотышто ик да кок пӧлеман лийшаш улыт. Проект почеш, пӧрт пелен йоча да спорт площадке, парковкым ыштышаш улыт. Кызыт проект да смета документаций ышталтеш, котлованыште чоҥаш ямдылалтмаш тӱҥалын. Ушештарена: эртыше августышто олан мэрже Марий Элым вуйлатыше Александр Евстифеевлан увертарен ыле: у пӧртышто 30 процент пачерым гына ужалымашке луктыт, молыжо тулык йоча да тошто пӧртлаште илыше- влаклан лиеш. Вашлиймашыште республикым вуйлатыше у пӧртым тений шыжылан ыштен шукташ кӱштен ыле.
                Волжск олаштат индеш пачашан пӧртым чоҥаш тӱҥалыныт. Паша «Горгаз» микрорайонысо Прохоров уремыште кая. Тиде пӧртышкат илаш йӧрыдымӧ аварийный пӧртла гыч калыкым кусараш палемдыме. Идалык мучашлан пӧрт ямде лийшаш.

Прошлые выпуски