Козьмодемьянск олаште икмыняр инвестиций проектым шыҥдарыме лиеш
Козьмодемьянск олаште икмыняр инвестиций проектым шыҥдарыме лиеш. Сенатор Константин Косачёв регионысо правительствын еҥже- влакын «Моноола- влакым вияҥдыме фонд» коммерцийдыме организацийын генеральный директоржо Ирина Макиева дене пашаче вашлиймаштышт лийын. Мероприятий Сколковысо наука да технологий институтышто эртен. Тушто тыгак Марий Эл Правительстве вуйлатышын икымше алмаштышыже Александр Сальников, промышленность министр Станислав Крылов, финанс министр Алексей Торощин, Козьмодемьянск моноолан администрацийжым вуйлатыше Михаил Козлов лийыныт. Константин Косачёвын мутшо почеш, совещанийыште Козьмодемьянск кундемыште Фондын полшымыж дене вич инвестиций проектым шыҥдарыме нерген ойлымо. Тиддеч посна турист потенциалым вияҥдыме, изи да кыдалаш предпринимательствым кумылаҥдыме, Фонд, Козьмодемьянск да Удмуртийысе Сарапул ола- влак коклаште кум шӧрынан соглашенийым ыштыме йодышым каҥашыме.
