Тӱвыра да сымыктыш аланыште тыршыше туныктышо- влак эртыше тунемме идалыкым иктешленыт
Тӱвыра да сымыктыш аланыште тыршыше туныктышо- влак эртыше тунемме идалыкым иктешленыт. Нунын поро йӱлаш савырныше республике кӱкшытан конференцийышт Палантай лӱмеш тӱвыра да сымыктыш колледжыште эртен. Форумышто кодшо тунемме идалыкыште шуктымо пашам иктешлыме, улшо задаче ден йодыш- влакым каҥашыме, ончыкылык корно- влакым рашемдыме. Правительстве председательын икымше алмаштышыже Михаил Васютин палемден: тӱвыра илыш шумо кӱкшытыштӧ шогышаш огыл, эре вияҥ толшаш. Тудо кугыжаныш награде- влакым кучыктен да Курык марий районысо Владислав Куприянов лӱмеш Микрак йоча музыкальный школлан марий кӱсле- влакым кучыктен. Лу у семӱзгарым «Тӱвыра» калыкле проект кышкарыште налме. Тӱвыра министр Константин Иванов шке докладыштыже тӱвыра да сымыктыш аланыште туныктымо кластерым ыштыме нерген ойлен да туныктышо- влаклан у тунемме ийыште лектышан пашам, талантан тунемше- влакым да усталык сеҥымашым тыланен. Конференцийыште композитор Анатолий Лупповын «Пьесы для фортепиано» сборникшын презентацийже лийын. тушко кум пьесе да ик токката пурен.
