Кремльысе ёлкым тений онлайн йӧн дене ончаш лиеш
Республикысе йоча- влак Кремльысе ёлкым онлайн ончен кертыт. Тений республикысе чыла йоча Российысе моло кундемласе иктаҥашышт дене пырля элнан тӱҥ кожшым онлайн йӧн дене ончен кертыт. Изирак- влаклан 31-ше декабрьыште 18 шагатлан Кугыжаныш Кремль полатыште «Талукын визымше жапше, але Кӧ У ийым шонен луктын» йомак представлений тӱналеш. Тудым вияш трансляций дене «Карусель» телекнал ончыкта. Эн сылне номер- влакым москосо театр ден кинон артистше- влак ончыктат, акробатике дене Российын сборный командыже, спорт рок-н-ролл дене тӱнян да Европын чемпионжо- влак мастарлыкыштым ончыктат. Представленийым уэш 7-ше январьыште 19 шагатат 30 минутышто да 13-шо январьыште 17 шагатлан ончаш лиеш.
