Кугарня» газет Россий кӱкшытан конкурсышто- Калыкле премийыште - сеҥышыш лектын
Республике кӱкшытан «Кугарня» газет «Мыйын мландем- Россий- 2022» ял илыш теме дене увер проектын Россий кӱкшытан конкурсышто- Калыкле премийыште - сеҥышыш лектын. Конкурсыш СМИ редакций, радио-теле, интернет-савыктыш, фотожурналист, блогер- влак ушненыт, ял илышын тӱрлӧ шӧрынжӧ нерген материалым колтеныт. «Кугарня» газет тиде конкурсыш икымше гана ушнен, но тудын журналистше- влакын пашаштым жюри кӱкшын аклен. «Мыйын шочмо верем» номинацийыште сеҥыше семын увертарыме. Тӱҥ редактор Ирина Степанова, журналист- влак Ирина Александрова ден Елена Годунова кӱкшӧ конкурсышто республикын чапшым ӱшанлын араленыт.
