Юрий Зайцев у Келшымаш Пӧртым да Калыкле тӱвыра пӧртым ончен лектын
Юрий Зайцев паша визит дене Келшымаш Пӧртыш да Калыкле тӱвыра пӧртыш миен. Калык- влакын келшымаш пӧртыштым шушаш ийын майыште пашаш колташ шонат. Республикым вуйлатыше кугыжаныш кӱкшытыштӧ эртараш келыштарыме пӧлем- влакым ончен лектын. Кызыт шымартыме да электротехник паша- влак шукталтыт, оборудованийым вераҥдылыт. Объект 95 процентлан ямде. Тӱвыра министр Константин Иванов ончыкылык план дене палдарен: Калыкле тӱвыра пӧртыштӧ Руш да Марий тӱвыра рӱдер- влаклан да калыкле- тӱвыра ушем- влаклан посна пӧлем ойыралтеш. Республикысе калык усталык рӱдер калыкле тӱвырам да республикыште илыше калыкын нематериальный тӱвыра поянлыкшым арален да шарен шогышо координироватлыше рӱдер улеш. Нине объект- влак калыкле рӱдер- влакын пашаштым виктарымаште да калыкле ушем- влак дене вашкыл пашам тӱшкан виктарен колташ да пашам у кӱкшытыш нӧлталаш полшат.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
