Марий Элысе калыкле тоштерын фондшо ойыртемалтше да шуэн вашлиялтше материал дене пойдаралтын

           Марий Элысе калыкле тоштерын фондшо ойыртемалтше да шуэн вашлиялтше материал дене пойдаралтын. Нуным этнограф Тимофей Евсеевын шочмыжлан 135 ий теммым пайремлыме проект- влакым эртарымылан кӧра поген кертме. Мутлан, «Самырык- влакын этнолабораторийыштын» волонтёржо- влак архив пашам кычалме деч вара тыгай материалым тоштерлан пуэныт: Евсеевын  1909-ше гыч 1925-ше ий марте Морко да Медведево районлаште возен налме преданийлам возыман 11 тетрадь, Евсеевын пашам ыштымыже нерген справкын копийже, пелашыже Марфа Евсееван шарпанже, пылышеш сакыме сӧрастарымашыже- влак да молат. Тыгак режиссёр А.Огородниковын кӱчык фильмым войзымыжо годым верештме Евсеевын 312 туштым возыман тетрадьым, марий вургемым возен ончыктымо тетрадьым тоштерлан пуымо.
             Фото: Евсеев лӱмеш калыкле тоштер.

Прошлые выпуски