Марий Эл Кугыжаныш Погынын 33-шо сессийыштыже «2023-шо ийлан да план почеш 24-25-ше ий-влаклан республикын бюджетше нерген» законым пеҥгыдемдыме

            Марий Эл Кугыжаныш Погынын 33-шо сессийыштыже «2023-шо ийлан да план почеш 24-25-ше ий-влаклан республикын бюджетше нерген» законым пеҥгыдемдыме. Сессийыште республикым вуйлатыше Юрий Зайцев пашам ыштен. Чылаже 16 йодышым ончен лекме. Промышленность, экономически вияҥмаш да торговля министрын пашажым шуктышо Станислав Крылов ончыкылык кум ийлан республикым социал да экономик велым вияҥдыме прогноз дене палдарен. Финанс министрын пашажым шуктышо Алексей Торощин палемден: тӱҥ финанс документын роскот ужашыже калыкле проектлам шыҥдарымаш дене кылдалтыт. Пеҥгыдемдыме бюджет шке социал корныжым арален кода. Тиде аланыш 70 процент окса колталтеш. Шушаш ийлан Марий Элын бюджетше дефицит дене пеҥгыдемдалтын. Республикым вуйлатыше депутат- влакым закон проект дене чатка ыштыме пашалан, полышлан, кӱлешан замечанийлан тауштен.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски