Таче Доброволецын кечыже палемдалтеш

           Таче Доброволецын кечыже палемдалтеш. Волонтёр- вллакым тиде кече дене Марий Элым вуйлатыше, Правительстве Председатель Юрий Зайцев саламла. Тиде чапле пайрем- тыланда тау мутым ойлаш сай амал. Те нимогай акым йодде, вийым да жапым чаманыде, еҥ- влаклан полшеда, илышын тӱрлӧ йыжыҥышкыже кугу надырым пыштеда. Добровольчестве кызыт элыштына сайын вияҥеш. Тиде элысе калыкын илышыште чолгалыкшым, обществын кушкын шумыжо нерген ойла. Марий Эл- тиде патриот- влакын илыме кундем. Нуно полыш кидым шуялташ, нелылык дене кучедалаш, тӱрлӧ лекше йодышлан ӱшанлын вашешташ ямде улыт. Республикыштына 86 тӱжем утла волонтёр уло. Республикыште поро кумыл организаций, толкын- влак пашам ыштат, экологий, медицина, событий, граждан да патриот, социал добровольчество вияҥеш. Тидымат каласаш кӱлеш: лӱмын эртарыме сар операций жапыште калык икоян лийын да эше волонтёр- влакын пашаштым палемдыман. «Ме пырля» Россий кӱкшытан толкын кышкарыште тӱжем дене еҥ у кундемлаште илыше, военнослужащий, мобилизоватлыме еҥ- влаклан полшаш иквереш ушненыт. Тендан поро кумылда, чолгалыкда кугешнымашым луктеш, шке примерда дене молымат поро пашалан таратеда, - ойлалтеш республикым вуйлатышын саламлымашыштыже.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски