Марий университетыште «Рвезылыкын йӱкшӧ-2022» фестивальын Гала- концертше эртен
Марий университетыште «Рвезылыкын йӱкшӧ-2022» фестивальын Гала- концертше эртен. Икымше курсышто талантан тунемше- влакын кумылыштым нӧлташ тӱжем утла еҥ погынен. Тиде студент- влакын усталык концертышт гына огыл, а ӧрыктарыше костюман, кумылым савырыше куштымашан да мурымашан кугу шоу лийын. Чылажат республикыште университет шинчымашым пуаш тӱҥалмылан 50 ий теммылан пӧлеклалтын. Ятыр факультетше диплом да шарнымашан пӧлек дене палемдалтын гын, кумшо верым экономик ден историй да филологий факультетлан пуымо, кокымшо верыш йот йылме факультет ден медицина иинститут лектыныт, икымше верым юридический факультет ден калыкле тӱвыра да тӱвыра кокласе кыл институт налыныт. Фестивальын кумылым савырыше чонжо семын естественный шанче да фармаций институтым палемдыме. Ынде чылаштым «Студент шошо» фестивальыште вучат.
