Марий Элысе фермер школ кокымшо тӱшка квалифицироватлыме аграрий- влакым туныктен луктын
Марий Элысе фермер школ кокымшо тӱшка квалифицироватлыме аграрий- влакым туныктен луктын. Ноябрь мучашыште у потокын 30 колыштшыжо бизнес-планым арален да проектыште тунеммашым мучашленыт. Республикылан тиде кокымшо тӱшка. Чылаже пытартыш кок ийыште 55 еҥ тунем лектын. Кокымшо декабрьыште Россельхозбанкын «Фермер школ» тунемме проектшын колыштшыжо- влаклан дипломым торжественно кучыктеныт. Школын студентше- влак кок тылзат пеле жапыште экономике, бухгалтерий, маркетинг, юриспруденций, шӧр да шыллан вольыкым ончен куштымаш, сырым ыштыме шотышто шинчымашым налыныт. Тунеммаш Марий университетын аграрно-технологий институтшо негызеш эртен. Теорий деч посна нуно практике шинчымашым «Звениговский, «Семёновский» озанлыклаште, «Шернур сырзаводышто» налыныт.
Фото: МарГУ.
Фото: МарГУ.
