Кугу Мушко ялыш Кечывалвел Америке гыч янлык- влак «толыныт»
Шернур районышто энтузиаст- влак уэш уремым экзотике лум скульптура- влак дене сӧрастареныт. Тений Кугу Мушко ял гыч Тымбаршевмыт еш лум персонажым ыштыме поро йӱлаштым посна сымыктышыш савыреныт. Тымбаршевмыт сурт воктене Йӱштӧ Коча ден Лумӱдыр гына огыл, йомак персонаж- влак Маугли да йолташыже- шамыч Киа, Багира, Балу ешаралтыныт. Шуко пашам ыштыме. Уремым 25 наре фигур сӧрастара. Кечывалвел Америкысе янлык- влакым ужаш лиеш. Нуным тематике композицийыш ушымо: Леопард Крокодил дене кучедалеш, Пума Ламым покта, экзотике кайык- влак пушенгеш верланеныт. Тыгак Маска, Курык каза, Лум барс улыт. Чыла тидым кум еҥ ыштен: сурт оза Борис Николаевич, пелашыже Анна Алексеевна, эргышт Евгений икымше ий гына огыл ялыштым сӧрастарат да клыкын кумылжым савырат. Нуно эше икмыняр фигурым ышташ шонат.
Фото: Евгений Тымбаев.
Фото: Евгений Тымбаев.
