Кугыжаныш Погын 37-ше сессийлан ямдылалтеш
Марий Элым вуйлатышым Кугыжаныш Погынын 37-ше сессийышкыже отчёт дене вучат. Кудымшо июльышто лийшаш сессийлан ямдылалтме кышкарыште Президиумын еҥже- влак ямдылалтме да эртарыме программым пеҥгыдемденыт. Повесткын проектышкыже 26 йодышым пуртымо. Нунын коклаште Правительствын 2022-шо ийысе пашаже нерген Республикым вуйлатышын отчётшо да Марий Элын Конституцийышкыже тӧрлымаш нерген законын проектшат улыт. Темлыме проект- влакым тиде арнянак профилян комитетлан заседанийыштыш ончат. Депутат- влак Кугыжаныш Погынын кумшо кварталлан пашаже нерген Программым да тений апрель- майыште лукмо республикысе законодательствым федерал закон- влак дене тӧр кондымо нерген программым пеҥгыдемденыт.
Фото: Кугыжаныш Погын.
Фото: Кугыжаныш Погын.
