Йошкар-Олаште да республике мучко «Шарнымаш сорта» акций эртен
Йошкар-Олаште да республике мучко «Шарнымаш сорта» акций эртен. Тудо Кугу Ачамланде сар годым вуйым пыштыше салтак да тылыште тыршыше- влакын Сеҥымашым лишемдаш тыршымыштым шарналташ манын эртаралтеш. Воин Чап мемориал воктене Тихвин храм гыч чӱктен кондымо сорта гыч ылыжтыме сорта- влак ик композицийыш ушнен, «Йошкар-Ола шарна» шомакым возеныт да «Тыныслык кӧгӧрченым» сӱретленыт. Оласе калык дене пырля акцийыште Марий Элым вуйлатыше Юрий Зайцев участвоватлен. Элнан геройжо- влак нигунамат ышышт мондалт манын ме сортам чӱктышна. 1941-ше ий 22-шо июнь Российын историйыштыже ик эн трагический дата. Шарныме да ойганыме кечын ме шке илышыштын акше дене элнам аралышыла шнуй порысыштым шуктышо- влакым шарналтена.- каласен Юрий Зайцев.
Таче Марий Элыште Россий кӱкшытан ик минутым шып шогымашым эртарыме. 12 шагатат 15 минутлан ик тат шып шогымаш Элысе чыла регионыштат эртен. Шып шогымаш- тиде Российысе воин- влакым шарнымашеш кодымо йӱлаш пурышо йӧн. 27 миллион вуйым пыштыше еҥ- влакым таче кечывалым шып шоген шарналтыме.
Таче Марий Элыште Россий кӱкшытан ик минутым шып шогымашым эртарыме. 12 шагатат 15 минутлан ик тат шып шогымаш Элысе чыла регионыштат эртен. Шып шогымаш- тиде Российысе воин- влакым шарнымашеш кодымо йӱлаш пурышо йӧн. 27 миллион вуйым пыштыше еҥ- влакым таче кечывалым шып шоген шарналтыме.
