Марий Элысе аэропортышто тений 400 миллион теҥгелан мо вашталтеш?
Марий Элысе аэропортышто тений 400 миллион теҥгелан мо вашталтеш? Кызыт у пассажир терминал чоҥалтеш, пашан акше- 400 миллион теҥге- увертара Россий чоҥымаш министерствын пресс-службыжо. У пассажир терминал ик шагатыште 400 пассажирым колтен кертше лийшаш. Тыгак уэмдыме аэровокзалыште пассажирым шупшыктымо да авиалӱдыкшыдымылык службо- влак, здравпункт, багажым обрабатыватлыме пӧлем, вучымо зал, санитар-быт кӱлешлыклан пӧлем- влак да молат лийыт. Проект кышкарыште тыгак йолын коштмо зона да пассажир- влаклан перрон, автомобиль- влаклан жаплан да эре шогашлан стоянке ышталтеш. Кызыт тӱжвал инженер сеть да металлконструкций- влакым монтироватлыме паша, йӱрвӱд канализаций ышталтеш, лишыл жапыште тӱжвал пырдыжым да леведышым погаш тӱҥалыт. Проектым шыҥдарыме пашам мучашлаш да объектым пашаш колташ 2024-ше ий мучашлан палемдыме.
