Марий Элым вуйлатыше Республикысе Правительствын заседанийжым эртарен
Марий Элым вуйлатыше Республикысе Правительствын заседанийжым эртарен. Тушто Юрий Зайцев Правительствын еҥже- влак дене кеҥежымсе тазалыкым пеҥгыдемдыме кампанийын, пасу пашан, кужу жап ончымо системым шыҥдарыме пашан кузе кайымышт нерген мутланен. Нине йодыш кызыт пӱсын шогышо да социал корнан улыт, - палемден вуйлатыше. Туныктыш да шанче митнистр Лариса Ревуцкая увертарен: кызыт 175 школ пеленысе лагерьлаште латкок тӱжемат 265 йоча кана, а ола деч ӧрдыжсӧ лагерьлаште- 335. Реестрыште палемдыме почеш йоча- влакын каныме 201 организаций пашам ыштышаш. Йочан тазалыкшым пеҥгыдемдаш да канаш тений 217 миллион теҥгем палемдыме. Тений «Чодыра йомак» комплекс пашам ышташ тӱҥалын. Тудо эше 987 йочалан канаш йӧным пуа.- каласен министр. Юрий Зайцев ешарен: каныш дене республикысе йоча- влакым гына огыл, Запорожье гыч шефыш налме район гычат икшыве- влакым авалташ кӱлеш. Пасу паша нерген Ял озанлык да кочкыш сату министр Андрей Кондратенко каласкален. Тудын мутшо почеш тений шошо ага пашам 20 кечылан ондак тӱҥалме. Россий ял озанлык министр ден Республикым вуйлатышын кугыжаныш полышым намиен шуктымо шотышто шындыме задачыштым кӱчык жапыште шуктымо. Паша да социал аралтыш министр Марина Островская кужу жап ончымо системым шыҥдарыме нерген ойлен. Тудын мутшо почеш, Марий Эл тыгай кугыт дене пилот проектым шыҥдарыше вич регион коклаш пура. Тушто республикысе чыла муниципал образований тырша. Мероприятий- влакым шукташ тенийлан 754 миллион наре теҥгем ойырымо. Тушечын 718 миллионжо- федерал бюжет гыч.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
