Республикын полицийже велосипедым шолыштмаш чӱчкыдемме нерген шижтара
Республикын полицийже велосипедым шолыштмаш чӱчкыдемме нерген шижтара. Кеҥежым осал паша утларак шукемеш. Тиде кечылаште Йошкар-Ола гыч 45 ияш пӧръеҥ йолорвам шолыштмо нерген увертарен. Технике Машиностроитель уремысе пӧрт воктене лийын. Эҥгек 7 тӱжем теҥге утла лийын. Оперативно-кычалме мероприятий кадыр киданым рашемден. Тиде ондак судитлалтше, пашам ыштыдыме 26 ияш пӧръеҥ лийын. Тудо йолыштыдымо велосипедым ужын да вӱдалтен каен. Но трос дене йолыштымат эреже годым шолыштмо деч ок утаре. Волжскышто Советский уремысе подъездыште йолыштымымат наҥгаеныт. Подъездла гыч поснак чӱчкыдын наҥгаят. Сандене йолорвам балконышто але гаражаыште аралаш утларак лӱдыкшыдымылан шотлат. Содыки, тӱжвалне кодеда гын, пелен вашке налаш лийме велокомпьютерым, волгалтарыме средствым, лиеш гын, руль ден шичме верым налын пуртыман. Велосипедын иктаж ойыртемалтше палыжым шарныман, мушкылтдымо чия дене тамгам шындыман, фотосӱретшым ыштыман. Тидыже кычалме годым кугу полышым пуа.
