Курык марий районышто « Пакча- саска пасун кечыже» шанче-практик семинар лиеш
Курык марий районышто 19-ше августышто « Пакча- саска пасун кечыже» Регион- влак кокласе кӱкшытан шанче-практик семинар лиеш. Тушто пареҥгын шкенан элысе селекцийжым да виш мландыште шындыме саскам куштымо пашам вияҥдыме йодышым ончаш тӱҥалыт. Мероприятийым эртарыме тӱҥ верже Сергей Кандишкинын фермер озанлыкше лиеш. Тыгак Андрей Бабушкинын озанлыкше ден «Агропродукт» кооперативыш миен кертыт. Семинар кышкарыште доклад-сессий лиеш. Тиддеч посна кузе талукышто пареҥгын кок урожайжым погаш лийме да урлыкаш материаллан кугыжаныш субсидийым кузе налме нерген мутланат, у ял озанлык технике да оборудований дене кузе пайдаланаш туныктат. Трактор, навесный оборудований, вӱдым шавыме системе ден переработко линий, ӱяндыш, кушкылым аралыме средстве, леведме материалын ончержым ямдылат.
