Курык марий районысо чыве- влак эн шуко муным мунчат

Курык марий районысо чыве- влак эн шуко муным мунчат
             Курык марий районысо чыве- влак эн шуко муным мунчат. Республикын экономикыштыже ял озанлык ик эн кӱлешан сектор улеш. Кундемна тӱҥ кочкыш продукт- влакым шкаланже шке ситара манаш лиеш. Шыл, шӧр, муно шотышто калыкын йодмашыже тӱрыс шукталтеш. Пытартыш ийлаште импортым алмаштыме программым шыҥдарыме кышкарыште вольык озанлык кугу кӱлешаныш савырнен. Республикысе ял озанлык продукцийын тӱшка кугытшо деч вольык озанлыклан 70 процент логалеш. Оперативный данный почеш тений январьыште теве мыняр ыштыме: шыллан сурт-кайык ден вольыкым 26 тӱжем утла тонным. Тидыже кодшо ийысе тыгаяк жап деч 8 утла процентлан шагалрак; 15 тӱжем утла тонн шӧрым лӱштымӧ, тидыже кодшо ийысе деч шым процентлан шукырак; 33 миллион штук муным налме, кок наре процентлан шагалрак. Шылым ыштен налме тӱшка кугыт гыч сурт- кайыклан 70 процентше логалеш. Тиде пашаште Параньга район ойыртемалтеш. Республикыште тӱкан шолдыра вольыкын чотшо ешаралт шога. Тиде жапыште кок тӱжем утла вуйлан кушкын. Тушечын ик тӱжемже- ушкал, а молыжо урлыкаш ӱшкыж, туна, презе улыт. Январьыште 13 тӱжем наре тонн ушкал шӧрым лӱштен налме. Тидыже кодшо ийысе деч 10 процентлан шукырак. Ик ушкаллан шотлымаште 690 килограмм шӧрым шупшылмо, кодшо ийысе деч 42 килолан утларак. Эн шуко шӧрым У Торъял ден Медведево районышто налыт- 913 да 800 килограммым. Республикыште 32 миллион наре муным погымо, ик утла процентлан чӱдырак. Тений январьыште ик чыве 24 муным мунчен, кодшо ийын 25-ым. Эн шуко муным Курык марий чыве- влак пуэныт- ик чывылан шотлымаште 29 штукам.

Прошлые выпуски