Коронавирус инфекций ваштареш вакцинаций ден ревакцинаций- эн кӱлешан мера улыт
Коронавирус инфекций ваштареш вакцинаций ден ревакцинаций- чот кӱлешан мера улыт. Роспотребнадзорын уверже почеш Российыште пытартыш арняште КОВИД дене черланымаш ешаралтын. Кокла показательым 26 регионышто эртыме. Роспотребнадзор ушештара: ятыр чарымашым кораҥдыме гынат, ковид шарлыме лӱдыкшӧ аралалт кодеш. Поснак шыже тургыжланымашым луктеш: йоча- влак пырля погынат, калык отпуск гыч пӧртылеш, йӱкшемда, ОРВИ ешаралтеш. Тидын годымак коронавирус инфекций деке тӱшка иммунитет палынак иземеш. Кызыт тудо элыште 14.3 процент. Вакцинаций ден ревакцинаций чер шарлыме ваштареш ик эн пайдале мерылан шотлалтеш. Профилактике шот дене привикым календарьыш пуртымо. Черетан вакцинацийым ончычсо прививке деч вара пелий эртымеке ыштыктыман.
Тачысе кечылан республикыште коронавирус шотышто сӱрет могайрак? Тымарте чылаже 44 тӱжемат 836 еҥлан коронавирус диагнозым шындыме. Кызыт илыме вер шот дене 76 еҥ медицина эскерымаште улеш. Ик суткаште 8 еҥын чержым рашемдыме, инфекций стационарлашке кок еҥым эмлаш пыштыме. Стационарлаште 24 еҥ эмлалтеш. 23 еҥжылан пневмоний диагнозым шындыме, 11 еҥжын коронавирус инфекцийым пеҥгыдемдыме. Ик еҥ нелын черланыше, ик еҥ ИВЛ дене пайдалана, ик еҥ кислород полышым налеш.
Тачысе кечылан республикыште коронавирус шотышто сӱрет могайрак? Тымарте чылаже 44 тӱжемат 836 еҥлан коронавирус диагнозым шындыме. Кызыт илыме вер шот дене 76 еҥ медицина эскерымаште улеш. Ик суткаште 8 еҥын чержым рашемдыме, инфекций стационарлашке кок еҥым эмлаш пыштыме. Стационарлаште 24 еҥ эмлалтеш. 23 еҥжылан пневмоний диагнозым шындыме, 11 еҥжын коронавирус инфекцийым пеҥгыдемдыме. Ик еҥ нелын черланыше, ик еҥ ИВЛ дене пайдалана, ик еҥ кислород полышым налеш.
