Куженер посёлкышто «Сеҥымашын тулсавышыже» шошымсо куштылго атлетике куржталмаш эртен
Куженер посёлкышто 8-ше майын «Сеҥымашын тулсавышыже» шошымсо куштылго атлетике куржталмаш эртен. Тушто Куженер да Марий Турек, Шернур да У Торъял, Советский да Морко, Медведево районла, Волжск ола да Йошкар-Ола гыч 120 наре еҥ таҥасен. Пӧръеҥ- влак коклаште 7 меҥгыш куржмаште сеҥышыш Ежово гыч Александр Келушев да ӱдырамаш- влак коклаште 5 меҥге кужытышто Йошкар-Ола (Йывансолаште шочын) Галина Скворцова лектыныт. Тыгак сеҥыше- влакым ийгот тӱшка категорийлаште палемдыме. Чыла сеҥыше да призёр- влаклан Куженер район администрацийын самырык политике да спорт пӧлкажын значокшо, медальже, грамотыжо дене наградитлалтыныт. Абсолютный сеҥыше- влаклан районысо «Заря» газетлан пел ийлан подпискым пӧлеклыме.
Фото: Куженер район администраций.
