Йошкар-Оласе парадыш тӱжемат 700 утла военнослужащий ушнен
Сеҥымаш кечын Йошкар-Олаште парадыш тӱжемат 700 утла военный ушнен ыле. Механизированный колонныш коло наре сарзе да специальный технике лектын. Республикым вуйлатыше Юрий Зайцев палемден: совет калыкын патырлыкышт да шочмо элым йӧратымыштлан кӧра чыла нелылыкым сеҥен, тушманым чарен да сеҥен кертме. Идалык еда ме Сеҥымашым кондышо 45-ше ий деч торашкырак каена, но мемнан калыкнан подвигшым нигунамат мондаш огына пу. Ленин проспект мучко эртыше военный парадыш Йошкар-Ола гарнизонын тӱжемат 700 наре личный составше, военно-морской флотын технический базыжын, МВД-н, ФСИН-ын регионысо виктемжын, Росгвардийын, МЧС-ын, кадет да юнармеец- влакын парад расчётышт лектыныт. Парадым кумшо степень Кутузов орденан Киевско-Житомир ракет дивизийын командирже, полковник Олег Тетёркин вуйлатен. Рӱдӧ уремла дене дистанций гыч разминироватлыше «Листва» бронироватлыме машина, «Ярс» ракет комплекс, боевой противодиверсионный «Тайфун» машина – влак эртеныт. Колонным Сеҥымашын орудийже- 42-шо ийыште лукмо дивизийысе танк ваштареш кредалше ЗИС-3 76 миллиметран пушка вӱден каен.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
