«Тазалык кечын» республикысе калыклан медицина организацийлашке мияш темлат
«Тазалык кечын» республикысе калыклан медицина организацийлашке мияш темлат. Майлан «Тазалык кечын» графикшым савыктыме. 13-шо майыште Йошкар-Оласе кокымшо поликлиникын специалистше- влак 8 гыч 14 шагат марте диспансеризаций да профосмотр кышкарыште приёмым эртарат. 15-ше майыште Морко рӱдӧ эмлыме верын специлистше- влак Волаксола ФАП-ыште 8 гыч 15 шагат марте калыкым вучат. 19-ше майын Оршанке рӱдӧ эмлыме верын терапевтше 9 гыч 12 шагат марте Кугу Орша ФАП-ыш мия. Вес кечынже Йошкар-Оласе 3-шо поликлиникын специалистше- влак диспансеризаций да профосмотр кышкарыште калыкым вашлийыт. 23-шо майыште Медведево райрӱдӧ эмлыме верын специаилстше- влак Лӱлпан участковый эмлыме верыш мият. 9 гыч 13 шагат марте тушто терапевт, кардиолог, эндокринолог, дематовенеролог лийыт. 29 числаште Килемар рӱдӧ эмлыме верын терапевтше, хирургшо, акушер-гинекологшо 9 гыч 13 шагат марте Визымъйар врач амбулаторийыште лийыт. Мероприятий- влак «Таза республике» программе кышкарыште ышталтыт.
