Йошкар-Олаште Регион- влак кокласе кӱкшытан «Сеҥымашын рубежше- влак» патриот марафон эртен
Йошкар-Олаште Регион- влак кокласе кӱкшытан «Сеҥымашын рубежше- влак» патриот марафон эртен. Марафон кышкарыште Юрий Зайцев ден Чувашийым вуйлатыше Олег Николаев Сеҥымаш паркыште тылыште тыршыше- влаклан чапкӱ воктеке пеледыш аршашым пыштеныт, Эрик Сапаев лӱмеш опера да балет театрыште торжественный мероприятийыште участвоватленыт. Марафонын Сеҥымаш кече вашеш эртымыже путырак шергакан, - каласен Юрий Зайцев. Мероприятий тымарте Юл кундем округысо куд утла кундемым ушен, теве ынде Марий Элымат. Чувашийын вуйлатышыже Олег Алексеевичлан кугу тау. Тудын тӱналтышыже шуко калыкан регион- влакым чак ушен, Кугу Ачамланде сар жапыште тылыште тыршыше- влакым да аралыме рубеж- влакым чоҥышо- влакым шарныктен. Аралыме рубеж пӱтынь Юл кундем гоч эртен. Марий Элыштат Курык марий ден Звенигово районла мучко шӱдӧ меҥгыш шуйнен. Чувашийым вуйлатыше палемден: регион- влак кокласе кӱкшытан марафон элысе калыкнан фронтышто гына огыл, тылыштат подвигышт ден патырлыкыштым шарнымашеш кодаш манын эртаралтеш.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
