Куженер районышто начар тазалыкан- еҥ- влак коклаште 9-ше гана спорт фестиваль эртен
Куженер районышто начар тазалыкан- еҥ- влак коклаште 9-ше гана спорт фестиваль эртен. Фестивальыш Инвалид- влак ушемын Куженерысе организацийыштын тӱрлӧ ийготан еҥже- влак погыненыт, чылаже 13 еҥ. Нуно икымше гана веле огыл районын чапшым республике кӱкшытыштӧ аралат, республикысе сборныйын радамыштыже Россий кӱкшытан таҥасымашыште участвоватлат, сай лектышыш шуыт. Социал обслуживаний рӱдерын спорт залыштыже ӱстембал теннис, дартс, шашке да адаптивный спорт- джакколо, шаффлборд дене таҥасеныт. Сеҥыше- влакым Грамот, диплом, медаль да пӧлек дене палемденыт. Таҥасымашын лектышыже почеш дартс дене икымше верым Павел Рулёв налын. шашке дене Юрий Баженов, теннис дене Анатолий Малинин, джакколо дене Антон Глушков ончыко лектыныт. А мероприятийым ик кугу еш семын когыльо ден шокшо чайым йӱын мучашленыт.
Фото: «Единый Российын» верысе пӧлкаже.
Фото: «Единый Российын» верысе пӧлкаже.
