Владимир Путин Марий Элыште шочшылан «Шӧртньӧ шӱдырым» кучыктен
Владимир Путин Марий Элыште шочшылан «Шӧртньӧ шӱдырым» кучыктен. Теҥгече Кремль Полатыште Президент Владимир Путин Российын Геройжо- влаклан «Шӧртньӧ шӱдыр» медальым оҥешышт пижыктен. Торжественный церемоний Российыште таче палемдалтше Ачамландын Геройжо- влакын кечыштлан пӧлеклалтын. Кукшӧ наградым налше- влак коклаште мемнан землякнат уло. Президентын кидше гыч медальым Марий Турек посёлкышто шочшо, тусо кыдалаш школым тунем пытарыше, ВДВ-н 31-ше посна гвардий десант да штурм бригадын командиржын алмаштышыже, подполковник Сергей Иштуганов налын.
Фото: МариМедиа.
Фото: МариМедиа.
