Таче «Марий краевед» клубын черетан заседанийже лийын

              Таче Сергей Чавайн лӱмеш калыкле книгагудышто «Марий краевед» клубын черетан заседанийже лийын. Тудо марий тиште кечылан пӧлеклалтын. 1775-ше ийын 10-шо декабрьыште Санкт-Петербург олаште книга кевытыш «Сочинения, принадлежаще к грамматике черемисского языка» икымше марий грамматикым ужалаш лукмо. Тудым архиепископ Вениамин Пуцек-Григорович ямдылен. Марий калыкын илышыштыже возыктышын шочмыжо 17-ше-18-ше курымын ик кугу сенымашыже лийын. Тудын негызеш марий- влаклан шинчымашым пуымаш кумдан шарлен. Тидын нергенак тӱрлӧ источникыште марий мут- влакым возен кодымашат ойла. Марий возыктышын шочмыжо 17-ше курым мучашыште шотлалтеш. Тудо швед йылман финн Генрих Бреннерын лӱмжӧ дене кылдалтын. Тудо 1697-ше ийыште Персий гыч пӧртылмыжӧ годым марий возыктышын историйыштыже икымше гана 14 марий мутым возен коден. Краевед клубын зеседанийыштыже филологий шанче кандидат, МарНИИЯЛИН-н кугурак шанче пашаеҥже Олег Сергеев тидын нерген, марий буква возыктышлан 325 ий темме нерген каласкален. Заседанийыште туныктышо, йылмызе, краевед, студент- влак лийыныт.

Прошлые выпуски