Вашке тулык йоча- влак у пачер деч сравочым налыт

           Декабрь кыдалне тулык да ача-аван полышыжо деч посна кодшо йоча- влак у пачер деч сравочым налыт. Тидын нерген Йошкар-Олан мэрже Евгений Маслов социал вотышто шке лаштыкыштыже каласкален. Шуко пачеран пӧрт Семёновка селасе Молодёжный урем, 20-шо пӧрт адрес дене верланен. Пӧртым эксплуатацийыш пуымо. Кызыт документ- влак ямдылалтыт. У пӧртыштӧ 64 пачер уло, кажныштыже пластик окна, обойым пижыктыме, сантехникым вераҥдыме, кухньышто электроплита шога. Кудывечыште йоча площадкым, тротуарым, бордюрым ыштыме, шошым пурымо корнылаш асфальтым шарат.- увертара олам вуйлатыше.
           Фото: Йошкар-Ола администраций.

Прошлые выпуски