У автовокзал гыч у рейс- влак
Йошкар-Олаште Республикысе автовокзалыште у рейс- влакым ешарыме. Ленин проспектысе автовокзал гыч автобус- влак Самарыш Канаш да Тольятти гоч кошташ тӱҥалыт. Нуно 11-ше декабрь гыч нечётный кечыла дене 17 шагатат 45 минутлан каят. 15-ше декабрь гыч эше ик рейс ешаралтеш. Калыкым Ярославльыш Кинешма, Приволжск, Волгореченск да Кострома гоч шупшыктат. Тудо изарня еда 17 шагатат 50 минутлан тарвана.
