Республикысе калыкын илышыжым саемдаш виктаралтше калыкле проект- влак графикым ончылтен шыҥдаралтыт

             Республикысе калыкын илышыжым саемдаш виктаралтше калыкле проект- влак графикым ончылтен шыҥдаралтат. Марий Элым вуйлатыше Юрий Зайцев Российысе регионлам вияҥдыме шотышто Правительство комиссий Президиумын заседанийыштыже участвоватлен. Тудым Россий Правительство вуйлатышын алмаштышыже Марат Хуснуллин эртарен. Ик йодышыжо  шке оксам пыштен чоҥышо-влакын праваштым пӧртылтымӧ йодыш дене кылдалтын. Кызыт республикыштына тыгай проблеман объект- влак уке улыт. Ондак тушко логалше еҥ- влакын праваштым тӱрыс пӧртылтымӧ. Марий Элыште калыкле проект- влакым шуктымаш график почеш кая. Ик эн тӱҥ корнылан «Качестван лӱдыкшыдымӧ корно» калыкле проектым шыҥдарымаш шотлалтеш. Паша палемдыме жап деч ончыч шукталтеш. Тиддеч посна «Верласе автомобиль корным вияҥдаш полшымаш» федерал проект дене келшышын республикысе бюджетлан ик миллиардат 700 миллион теҥге трансфертым пуымо. Шушаш ийлан чыла контрактым пеҥгыдемдыме. 2024-ше ийлан ойпидыш идалык мучаш марте ышталт шукталтеш. Калыкым тошто пӧртла гыч кусарыме планымат темыме. Тенийлан тиде пашалан ик миллиардат 900 миллион теҥгем палемыдме ыле. План деч 104 процент тошто пӧртлам кораҥдыме, кок тӱжемат 228 еҥым кусарыме. Идалык мучаш марте эше Йошкар-Олаште да Звенигово районышто у пачер деч сравочым пуышаш улыт.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски