Декабрьын кыдалже марте Волжск олаште Спорт Полатым олмыктен пытарат

            Декабрьын кыдалже марте Волжск олаште Спорт Полатым олмыктен пытарат. Теҥгече Марий Элым вуйлатыше Юрий Зайцев Российын спорт министрже Олег Матыцинын видеоконференций йӧн дене эртарыме совещанийыште участвоватлен. Тушто инвестиций программе- влакым шыҥдарыме, федерал бюджет гыч ойырымо оксам кузе кучылтмым каҥашыме. Спорт министр палемден: чоҥымо материалын шергештмыжым, логистике кылын вашталтмыжым ончыде, палемдыме пашам мучаш марте шуктыман, регион- влаклан ойырымо бюджет лимитым шуктымым Россий Правительстве посна контрольышто куча.
             Марий Элым вуйлатыше палемден: Волжск олаште Спорт Полатым пужен ыштыме паша мучашыш лишемеш. Декабрь кыдалне тудым пашаш колтышаш улыт. Эше ик спорт объект- У Торъялысе физкультура да тазалыкым пеҥгыдемдыме комплекс тыгак вашке ыштен шукталтеш. Тушто спортын модмо видше дене спорт зал- влак, йоча да кугыеҥ- влаклан бассейн , вургемым вашталтен чийыме вер да душевой- влак лийыт. Тиде ФОК кужун чоҥалтын, но федерал проектыш пурталтын. Идалык мучаш марте ойырымо окса 100 процентлан кучылталтеш. Пашашке тудым 2023-шо ийыште колтат. Кызыт отделка паша кая, воктелсе кумдыкым тӱзландарат.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски