Марий Элыште кугыжаныш калыкле политикын концепцийжым шыҥдарымашым каҥашыме

Марий Элыште кугыжаныш калыкле политикын концепцийжым шыҥдарымашым каҥашыме
             Марий Элыште кугыжаныш калыкле политикын концепцийжым шыҥдарымашым каҥашыме. Марий Элым вуйлатыше Юрий Зайцев Кугыжаныш калыкле политикын концепцийжым шыҥдарыме шотышто Правительстве комиссийын заседанийжым эртарен. Тудо ушештарен: тений 25-ше ноябрьыште Российын Президентше кугыжаныш калыкле политикын стратегийжым 2036-шо ий марте пеҥгыдемден. Тудын цельже- Российыште обществе кӧргывштӧ икгай шонымашым кугемдаш да калык- влак коклаште конфликт ситуацийым шагалемдымаш.
            Юрий Зайцев палемден: Концепцийым сайын шыҥдараш исполнительный кучем орган, верысе самоуправлений орган, мер организаций, шанчыеҥ да еҥ- влакын пеҥгыде вашкылышт лиеш гын гына шыҥдараш лиеш. Тӱшка вий дене гына ме виян, чумыр, пеледше кугыжанышым ыштен кертына. Заседанийыште йотэл еҥ- влакым да тӱп огыл калык общиным россий обществыш ушаш пырля пашам эртарыме да толшо- влак коклаште россий калык улмым шижмашым вияҥдыме нерген мутланыме.                       Кызыт республикыште этнос- влакын кылышт шотышто ситуаций пеҥгыдылан шотлалтеш. Миграций учетышто шым тӱжем наре йотэл еҥ шога. Нуно тӱҥ шотышто Индий, Узбекистан, Таджикистан, Азербайджан, Беларусь да Туркменистан гыч улыт. Шукырак мигрантше республикыш тунемаш да пашам ышташ толыт. Республикыште тӱжемат пеле наре еҥан вич этнический диаспора ила. Нунын дене профилактике паша, осал пашам шижтарымаш шукталтеш. Икте- весе коклаштышт толерантный улыт.              Йотэл еҥ- влакым верысе илышыш ушаш манын ятыр мероприятий эртаралтеш. Кумшо кварталын лектышыже почеш Марий Эл йотэл еҥ- влакым мероприятий дене авалтыме дене 6-шо верыште улеш. Юрий Зайцев увертарен: «Эн сай муниципал практике» Россий кӱкшытан конкурсын лектышыже почеш тений эн сай- влак радамыш Морко районысо Унчо ял илемын калык коклаште тыныслыкым да ваш умылымашым ыштыме шотышто пашаже пурен. Тудлан национальность- влакын пашашт шотышто Федерал агентствын Чап Грамотыжым кучыктымо.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски