Лач тиде кечын 1986-шо ийыште Чернобыль АЭС-ыште аварий лийын

Лач тиде кечын 1986-шо ийыште Чернобыль АЭС-ыште аварий лийын
            Таче историйыште ик ойган кече. Лач тиде кечын 1986-шо ийыште Чернобыль АЭС-ыште аварий лийын. Тиде ик эн шучко техногенный катастрофо. Тудын эҥгекшым кораҥдымаште тыршыше- влак кугыжаныш велым социал полышым налаш праван улыт. Республикыштына Россий Социал фонд велым 600 утла чернобылец окса полыш дене пайдалана, тушеч 418 еҥже пенсийым налеш, молыжо- тӱрлӧ социал полышым. Тудо кундемыште лийше- влак жап деч ончыч пенсийыш лектын кертыт. 1986-1987-ше ийлаште эҥгекым кораҥдымаште лийше пӧръен- влак 50 ияш, ӱдырамаш- влак 45 ияш пенсийыш лектыт, 1988-ше 1990-шо ийлаште лийше- влак 55 да 50 ияш лектын кертыт. Чернобылец- влак чыла федерал льготник семынак тылзе еда тӱлымо оксам налаш парван улыт.
             Таче радиаций аварий да катастрофышто вуйым пыштыше- влакым шарныме кечын, аварийым кораҥдыше- влакым шарналташ У Торъялыште чапкӱ воктеке пеледышым пышташ аварийын эҥгекшым пытарымаште лийше, нунын ешышт, верысе самоуправлений органын, организаций ден тӧнеж- влакын еҥышт, Районысо калык да тунемше- влак миеныт. Тыгаяк минтинг Йошкар-Олаштат лийын.
          Фото: Паша да социал аралтыш министерстве.

Прошлые выпуски