Республикыште ешарен ныл чодыра пожар станцийым пашаш колтымо, пашаеҥ- влакым ешарыме

Республикыште ешарен ныл чодыра пожар станцийым пашаш колтымо, пашаеҥ- влакым ешарыме
             Республикыште ешарен ныл чодыра пожар станцийым пашаш колтымо, пашаеҥ- влакым ешарыме. Тиддеч посна Марий Элым вуйлатышын кӱштымыжӧ почеш республикын бюджетше кӱшеш «Лесохранитель» аппарат да программе комплекслан 13 видеоэскерыме камерым налме. Нуно тӱжемат 111 тӱжем гектар чодыра фондым тергаш полшат. Республикын тул лӱдыкшӧ тургымлан ямде улмыжо, шыже теле жапым кузе эртыме, шушаш олтымо тургымлан объект- влакым ямдылыме да моло йодышым Марий Элым вуйлатыше Юрий Зайцевын эртарыме Правительствын заседанийыштыже каҥашыме. Пӱртӱс поянлык министр Алексей Киселёв увертарен: тенийсе тул пижме лӱдыкшӧ тургымлан ямдылалтме шот дене ик авиапӧлкам, 8 чодыра пожар станцийым (нылытшым ешарен) ыштыме. Тений чодыра пожарым йӧрташ кум тӱжемат 500 наре еҥым ушаш, 627 техникым, кок тӱжемат 319 оборудований ден инвентарьым кучылташ палемдыме. Чодырам тул деч аралаш министерствылан 50 миллионат 800 тӱжем теҥгем ойырымо. Тушечын 35 миллион утлаже федерал бюджет гыч. Марий Элым вуйлатыше палемден: профилактике мерым пеҥгыдемдымаш тул пижме лӱдыкшым иземдаш полша. Чоҥымаш, архитектура, илыме вер да коммунал озанлык министр Наталья Ошланова шыже-теле жапым кузе эртыме нерген увертарен, олтымо тургым сайын мучашлалтеш, кугу аварий ден вучыдымо ситуаций лийын огыл. Шушаш шыже-теле жаплан вич тӱжем утла шуко пачеран пӧртым, 504 ырыктыше котельныйым, 681 меҥге теплосетьым, ныл меҥге наре вӱд да канализаций сетьым ямдылыман. Заседаний жапыштак Юрий Зайцев «Илышлан кӱлешан осбъект- влакым да социал сферым 2023-шо 2024-ше ийысе шыже-теле жаплан ямдылыме нерген» Пунчалым пеҥгыдемден.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски