Леведышан теҥгылыште телефонлан «чоным пурташ» лиеш

Леведышан теҥгылыште телефонлан «чоным пурташ» лиеш
Йошкар-Оласе Чавайн бульварыште олмыктымо паша умбакыже шуйна. Воскресенский проспект деч Киров урем марте ужашым олмыкташ 44 миллион теҥгем ойырымо. Йолын коштмо ужашыште асфальт да брусчатке лиеш, у теҥгыл- влакым шындат. Икмынярыже леведышан лиеш. Тушто телефонлан зарядкым ышташ оборудований да вай-файым вераҥдат. Йоча- влаклан модмо комплекс- влакым ыштат. Корно гоч вончымо вер воктене бордюрышто волгалтше стоп- линийым ыштат. Тудо светофор дене иктӧр пашам ышта. Тыге калыкын каныме эше ик чапле вер лиеш.

Прошлые выпуски