Федерал рӱдер Марий Эл деке тӱткышым ок иземде
Федерал рӱдер Марий Эл деке тӱткышым ок иземде. Паша визит дене республикыш Федераций Советын аппаратшым вуйлатыше Сергей Мартынов толын. Тудым Параньга районыш мийымыж годым Марий Эл правительстве вуйлатышын икымше алмаштышыже Сергей Сметанин ужатен коштын. Районысо актив да ветеран- влак дене вашлиймаште посна тӱткышым йодшо проект- влакым, тыгак шыҥдараш тӱналме калыкле проект- влакым каҥашеныт. Мут спортплощадкым чоҥымо, шӱкшак оптымо полигоным шотыш кондымо, очистной сооружений- влакын проектышт нерген лектын. Посна йодыш семын тошто пӧртла гыч калыкым кусарыме пашам ончымо. Лишыл куд ийыште 111 еҥ сай пачерым налшаш. Тыгай вашлиймаште мо куандара,- каласен Мартынов,- еҥ- влак йодышым пуымо деч посна ятыр темлымашым ыштат, мом ышташ кӱлмӧ нерген ойлат. Сергей Мартынов тыгак посёлкысо мончам олмыктымо пашам терген, «Хлебснаб» предприятийыш миен, калыкын тӱҥалтышыж почеш пужен ыштыме обелискым ончен. Тудым уэмдаш верысе калык миллион наре теҥге оксам поген. Тыгай ответственный да чолга еҥ- влак республикын ончыкылыкшо улыт,- манын палемден Сергей Мартынов. Таче тудо Шернур районышто лийын.
