Республикыштына «Российын сулло журналистше» уло
Российын Президентше Владимир Путинын Указше дене элысе журналистикым вияҥдымашке пыштыме надырлан да шуко ий тыршен пашам ыштымылан Александр Лукаевлан «Российын Федерацийын сулло журналистше» Чап лӱмым пуымо. Тыгай кӱкшӧ лӱмым республикыште икымше еҥ налын. Александр Лукаев усталык корныжым кусарыше гыч тӱналын да тӱҥ редактор марте кушкын. Тудо Волжский да Звенигово районлаште Марий радион собственный корреспондентше лийын. Но пӱрымашыжым «Волжская правда» газет дене кылден. Кызыт тудын тӱн редакторжо улеш. «Россий Федерацийын сулло журналистше» икымше Чап лӱмым Российысе 15 журналистлан 2018-шй мучашыште пуымо ыле. Нунын коклаште Михаил Гусман, Виталий Игнатенко, Николай Дроздов улыт. Коллегына, Александр Лукаевым, чапле награде дене уло кумылын саламлена.
