«Мыйын бизнесем» рӱдерым почмо
Теҥгече Йошкар-Олаште «Мыйын бизнесем» рӱдер почылтын. Тудо амалкалче- влаклан ик верыште ятыр полышым пуаш тӱналеш. Эртыше «Про.Бизнес» форумышто республикым вуйлатыше Александр Евстифеев экономикым вияҥдымаште бизнесын кугу рольжым палемден ыле. Республикат нунылан вияҥаш кугу полышым пуа. «Мыйын бизнесем» рӱдерым почмаш тидым эше ик гана пеҥгыдемден ончыкта. Рӱдерым МФЦ семын кызытсе жаплан тӱрысынек келшышым ыштыме. Ик пӧлемыште вигак икмыняр специалист пашам ышта. Нуно тӱрлӧ йодышлан вашмутым пуат, документым возаш полшат, бизнесым пайдалым ышташ туныктат, льготан кредитым кузе налаш туныктат.
