С.Чавайн лӱмеш книгагудо чыла кумыланым вуча
Поро йӱла семын сентябрь тӱҥалтышыште С.Чавайн лӱмеш калыкле книгагудо виш омса кечым эртара. Тудо грамотностьым шарыме тӱнямбал кечылан да у тунемме идалык тӱҥалмылан пӧлеклалтеш. Тений книгагудо виш омса кечыш чыла кумылан- влакым 5-ше сентябрьыште ӱжеш. Тиде кечын тушко мийыше-влак пӧлек шотеш лудшын билетшым налын кертыт. Нунылан ходожественный выставкылаш экскурсийым ыштат. Книга ончер ден обзорым эртарат. Шукертсек книгагудыш пӧртылтыдымӧ книгам кондаш лиеш. Тидлан огыт чыштыре. Икымше, кокымшо да кумшо пачашыште чылаже 15 утла выставкым ямдылыме. Нунын коклаште сӱрет, курчак, фото, авиаций, кычалше отрядын ончерышт улыт.
