Ялыште илыше-влакын пенсийыштым уэш шотлен пытарыме

Ялыште илыше-влакын пенсийыштым уэш шотлен пытарыме
Тений 1-ше январь гыч ялыште илыше пашам ыштыдыме, но ял озанлыкыште ончыч 30 ий деч шагал огыл тыршыше пенсионер- влаклан пенсийын фиксированный ужашыжым 25 процентлан кугемдыме. Икымше сентябрьлан йодмашым возыде, Пенсий фонд перерасчётым ыштен пытарен. Пенсий деке ешартыш  окса, ик тылзылан шотлымаште, тӱжемат 300 теҥгеш шуын. Кумшо группо дене инвалид семын пенсийым налше- влак 667 теҥгелан шукырак налыт. Тачысе кечылан 9 тӱжемат 921 пенсионер ялысе ешартышым налеш. 500 профессий дене ялыште пашам ыштыше еҥ-влак тиде ешартышым налаш праван улыт.

Прошлые выпуски