Мӱкшызӧ Россий кӱкшытан мӱй конкурсышто шӧртньӧ медальым налын
Марий Эл гыч мӱкшызӧ Россий кӱкшытан мӱй конкурсышто шӧртньӧ медальым налын. Олег Матвеев «Российын шӧртньӧ мӱйжӧ-2025» Россий кӱкшытан конкурсышто кок кугу наградым налын. Сеҥыше-влакым саламлыме церемоний Краснодар олаште эртен. Конкурс пеҥгыде лийын. Уло россий да йот эл гыч мӱйын 600 наре образецше экспертизым эртен. Морко районысо Йоплан ял гыч Матвеевмыт ешын мӱйжӧ чыла тергымашым сеҥен лектын. Ондак 2024-ше ийыште Олег Матвеев тыгаяк конкурсышто той призёр лийын ыле.
Фото vk.com/ohotpublic
Фото vk.com/ohotpublic
