Марий Эл гыч вожатый Российысе конкурсышто сеҥышыш лектын
Москошто вожатый мастарлык шотышто Российысе «Лига вожатых» конкурсын сеҥышыже- влакым саламлымаш лийын. Марий Эл гыч Евгения Загайнова лийын. Тудо «Вожатый-стажёр» номинацийыште сеҥышыш лектын. Москвашке чылаже 54 кундем гыч 300 финалист погынен. Нуно «Вожатый-стажёр», «Вожатый» да «Кугурак вожатый» номинацийлаште таҥасеныт, команде радамыштат, шкетынат моштымашыштым ончыктеныт. Сеҥышыш 100 еҥ лектын. А конкурсыштыжо 83 регион гыч кум тӱжем еҥ участвоватлен.
