Элнан историйжым палыме шотышто тест эртен
Шернурысо йоча усталык пӧртышто самырык- влакын парламентышт «Кажне кечын Россий дене кугешнем» тӱнямбал акций кышкарыште ачамландын историйжым палыме шотышто тестым эртареныт. Тестышке 40 йодыш пурен. Нуно Акрет годсо Русь гыч тӱҥалын, тачысе кече марте Российын историйже дене кылдалтыныт. Тергымашке тунемше, туныктышо, муниципал образованийын депутатше- влак да ик партийын еҥже- влак ушненыт. Нуным чылаштымат сертификат дене палемденыт.
